Frágreiðing skal gerast um Málráðið

Frágreiðing skal gerast um Málráðið
Kannast skal, um til ber at hava reglurnar um Málráðið, Staðarnavnanevndina og Navnalógina í somu lóg
Nýggj frágreiðing verður gjørd um Málráðið, og løgtingið fær hana í hesari tingsetuni.
 
01.09.2022 - 08:47

Ein frágreiðing skal gerast um Málráðið fyri at vita, um lógin um Málráðið virkar, sum hon skal, og um til ber at hava reglurnar um Málráðið, Staðarnavnanevndina og Navnanevndina í somu lóg.

Frágreiðingin verður løgd fram í vetur ella tíðliga á vári næsta ár.

Eftirmetingin, sum var gjørd í 2016, verður ikki løgd fyri løgtingið. Hon er vorðin av gomul.

Jenis av Rana, landsstýrismaður, hevur svarað Johan Dahl, løgtingsmanni, sum spurdi um Málráðið og eftirmeting.    

 

Johan Dahl, løgtingsmaður, hevur fingið svar frá Jenisi av Rana, landsstýrismanni, um Málráðið. (Mynd: Bjarni Árting Rubeksen)

 

Ongantíð løgd fram

Lógin um Málráð, sum kom í 2013, sigur, at landsstýrisfólkið eftir trimum árum skuldi leggja frágreiðing fyri løgtingið, um lógin virkar eftir ætlan, og kanna, um til ber at áseta reglur um Málráð, Staðarnavnanevnd og Navnanevnd í somu lóg.  

Frágreiðingin var gjørd í 2016. Men hon var ongantíð løgd fram.

Nú verður so aftur gjørd ein frágreiðing. Og hana fær løgtingið í hesari tingsetuni, sigur Jenis av Rana.

Málráðið, sum nú er, tók við í juli 2021.

 
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592