- Tíðindi, mentan og ítróttur
Kanna um diabetesmiðstøðin kann vera aðrastaðni á Landssjúkrahúsinum
Kanna um diabetesmiðstøðin kann vera aðrastaðni á Landssjúkrahúsinum
Fíggjarnevndin heldur, at tað verður ov dýrt at byggja miðstøðina oman á C-bygningin
Ætlanin hevur verið at byggja diabetesmiðstøðina í C-bygninginum á Landssjúkrahúsinum, men nú verður kannað, um hon kann vera aðrastaðni á sjúkrahúsinum
09.09.2022 - 11:38
Arbeiðið við at skipa eina diabetesmiðstøð í Føroyum heldur fram.
Men eftir ynski frá fíggjarnevndini í løgtinginum, verður kannað, um miðstøðin kann vera aðrastaðni enn ætlanin hevur verið, sigur Kaj Leo Holm Johannesen, landsstýrismaður í heilsumálum.
Løgtingið hevur samtykt, at landsstýrismaðurin í heilsumálum kann taka ímóti 121 milliónum krónum úr Novo Nordisk-grunninum.
Peningurin skal brúkast árini 2023 til og við 2032 til at fíggja rakstur og íløgur í samstarvinum um millum annað diabetes millum Novo Nordisk-grunnin og Heilsumálaráðið.
Kaj Leo Holm Johannesen, landsstýrismaður í heilsumálum.
Ov dýrt
Ætlanin er at byggja Steno-miðstøðina oman á verandi C-bygning á Landssjúkrahúsinum.
Tað fer at kosta ov nógv, helt Fíggjarnevndin.
Hon mælti til at finna bíligari staðseting, møguliga í H-bygninginum, og á tann hátt fáa fleiri pengar til viðgerð og gransking.
Hoyr Kaj Leo Holm Johannesen í útvarpstíðindunum:
09092022_Kaj_Leo_til_net
Er kopiera
Nýggjastu sendingar í ÚV
Nýggjastu sendingar í SV
