Orðaskifti í Breddanum um skattalætta

Vit fáa skattalætta næsta ár, sum skal hjálpa okkum eitt vet, nú kostnaðarstigið er hækkað munandi seinasta árið.

Men hvussu rakar ætlaði skattalættin? Hvør fær, og er ein skattalætti í heila tikið rætta amboðið, tá politiska skipanin skal lætta trýstið á lægru inntøkurnar?

Vit viðgera uppskotið saman við Fróða Magnussen, formanni í Búskaparráðnum, Tórbirni Jacobsen, næstformanni í Kommunufelagnum, Christiani Andreasen, formanni í Fólkaflokkinum, og Akseli V. Johannesen, formanni í Javnaðarflokkinum.  

Fólkatingið verður sett

Klokkan 11 fer Mette Frederiksen, forsætisráðharri, at halda setanarrøðu í fólkatinginum. Samstundis hevur Radikali flokkurin kravt, at forsætisráðharrin skrivar út val.

Vit lodda dýpið á Christiansborg.

Breddin í útvarpinum klokkan 10.