Nógv lýggjari og meira avfall í Grønlandi enn vanligt

Eins og røddir hava verið frammi í Føroyum, um at árstíðirnar hava flutt seg, so uppliva tey í Grønlandi broytingar.

DMI upplýsir, at miðalhitin í Grønlandi í september var átta stig hægri enn miðal fyri mánaðin. Orsøkina siga tey vera, at fleiri lágtrýst enn vanligt í Kanada hava drigið lýggja og slavna luft við sær úr norðara parti av Atlantshavinum.

Tað er ikki óvanligt, at lágtrýst har um leiðir ávirka veðrið, men tað er óvanligt, at hetta hevur verið hvønn dag í ein heilan mánað, sigur Thor Hart frá DMI við grønlendska miðilin, Sermitsiaq.

Eisini hevur regnað meira enn vanligt fleiri staðir í Grønlandi.

Í Aasiaat máldu tey 145 millimetrar í september. Miðalavfallið har í september er 33 millimetrar. Í Sisimiut máldu tey 159 millimetrar av avfalli samanborið við 60 millimetar.