Pálshøll er aftur stongd

Pálshøll í Vági er aftur stongd, tí tað er ikki møguligt at hita høllina.

Tað skrivar Vágs býráð á heimasíðuni.

Tí er eingin skúlabarnasvimjing, eingin almenn svimjing, og svimjifelagið, Susvim, venur á Tvøroyri.

Kommunan skrivar, at arbeitt verður við eini grønari loysn, sum kann hita høllina.

Samskifti er við veitarar um at finna loysnir, men tað eru fleiri avbjóðingar, eitt nú við levering og staðseting av orkuloysn.

Hetta er ein sera stór íløga fyri Vágs kommunu, og tí ræður eisini um, at loysnin er bílig í rakstri, so at útreiðslurnar hjá kommununi fyri eitt nú streym og hita ikki vaksa ov nógv.