Spreingingar elvdu til skaðan á Nord Stream

Spreingingar elvdu til skaðan á Nord Stream
Myndugleikarnir hava annars verið kvirrir, men fleiri kanningar eru longu gjørdar eftir spreingingarnar
Kanningarnar vátta, at orsøkin til lekan á Nord Stream er ógvisligar spreingingar, sigur danska løgreglan.
Mynd: Ritzau Scanpix  
 
18.10.2022 - 11:42

Ógvisligar spreingingar vóru atvoldin til, at Nord Stream 1 og 2-gassleiðingarnar fóru at leka.

Tað skrivar danska løgreglan í einum tíðindaskrivi fyrrapartin.

Í tíðindaskrivinum ljóðar, at PET, fregnartænastan hjá donsku løgregluni, og løgreglan í Keypmannahavn samstarva, til tess at koma nærri einari niðurstøðu í málinum um gasslekarnar í Eystrasalti.

Myndugleikarnir hava annars verið kvirrir, men fleiri kanningar eru longu gjørdar eftir spreingingarnar.

 

Umfatandi skaði

»Kanningarnar vátta, at umfatandi skaðar eru á Nord Stream 1 og 2, og at orsøkin er ógvisligar spreingingar«, stendur millum annað í skrivligu fráboðanini.

26. september í ár varð ein leki á Nord Stream 1 staðfestur. Stutt eftir ljóðaði, at Nord Stream 2-gassleiðingin eisini var rakt.

Tað varð skjótt greitt, at fleiri spreingingar høvdu verið. Og tað eru hesar upplýsingarnar, sum løgreglan nú alment váttar í einum tíðindaskrivi.

 

 

Herverk

Danmark hevur, saman við fleiri londum, eisini sagt, at talan var um herverk. Londini hava tó einki sagt um, hvør tey halda framdi spreingingarnar.

Danska løgreglan vil ikki fara í smálutir um, hvussu altjóða løgreglusamstarvið verður skipað.

Løgreglan vil heldur ikki fortelja miðlunum meira enn tað, ið stendur í tíðindaskrivinum, sum varð sent út fyrrapartin.
 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565