Jákup Veyhe fekk Barnamentanarheiðursløn Tórshavnar býráðs

Væl umtókta barnaútvarpsrøðin "Tey í Mórugøtu" hjá Jákupi Veyhe fekk Barnamentanarheiðursløn Tórshavnar býráðs. 

“Tey í Mórugøtu” er best kent úr Barnaútvarpinum hjá Kringvarpi Føroya, men er eisini lagað til einmans- og skúlaleikir.

Við jøvnum millumbilum eru Kenneth og Katja og øll hini í Mórugøtu beinleiðis atvoldin til, at børn og vaksin gerast ov sein um morgunin. 

M. A. Jacobsens virðislønir, Jákup Veyhe, Barnamentanarheiðursløn Tórshavnar býráðs

Føroyskt dygd til børn og ung

Dómsnevndin leggur dent á, at “Tey í Mórugøtu” er nakað so forkunnugt sum uppruna føroyskt dygdarundirhald til børn og ung. 

Víst verður eisini á, at tilfarið í røðini fevnir breitt og er meira enn bara undirhald. 

M. A. Jacobsens virðislønir, Jákup Veyhe, Barnamentanarheiðursløn Tórshavnar býráðs

"Talan er um sjáldsama gløggan samtíðarhumor, sum bæði prikar og avdúkar viðurskifti, sum vit kenna okkum aftur í, men helst ikki vilja kennast við," skrivar dómsnevndin í sínari grundgeving. 

"Jákup Weyhe eigur stórt rós uppiborið fyri “Tey í Mórugøtu”, sum hann bæði skrivar, ritstjórnar og ljóðblandar, umframt at leggja røddir, ljóð og tónleik til. 

M. A. Jacobsens virðislønir, Jákup Veyhe, Barnamentanarheiðursløn Tórshavnar býráðs

Kann hoyrast á KVF-heimasíðuni

"Tey í Mórugøtu" er gjørd í samstarvi Børn & ung í Kringvarpi Føroya.

Útvarpsrøðin kann tískil hoyrast á VIT-síðuni hjá Kringvarpinum.

Hoyr røðina um "Tey í Mórugøtu"