Handilskríggið millum USA og Kanada harðnar

Handilskríggið millum USA og Kanada herðist.

Í nátt, føroyska tíð, kunngjørdi heimasíðan hjá Hvítu húsunum, at USA fer at banna innfluttninginum av eini røð av kandiskum vørum.

Bannið fevnir um vørur, ið innihalda alkohol. Eitt nú øl, vín, whisky, romm og tequila.

USA fer heldur ikki at flyta inn motorsúkklur úr Kanada, og bannið rakar eisini fleiri mjólkarvørur.

Amerikonsku handilstiltøkini koma í kjalarvørrinum á, at Kanada í gjár legði toll á okkurt um 700 amerikanskar vørur. 

Kanada leggur 15 til 50 prosent toll á eitt nú stál, elektronikk, træ og mjólkavørur.