Glaðir víkingar - nú enn glaðari

Bárður á Reynatrøð og Noah Mneney, sum um vikuskiftið vunnu finaluna um Løgmanssteypið, hava nú fingið enn meir at fegnast um.

Teir eru nevniliga ímillum teir sjey spælararnar, sum eru nýggir í landsliðshópinum hjá Håkani Ericson.

 - Tað hevur verið eitt fantastiskt fótbóltsvikuskiftið. Fyrst at vinna á KÍ - tað er líkasum prikkurin yvir eitt gott kappingarár hjá okkum, haldi eg - og so at verða úttikin til landsliðið. Tað er rættuliga stuttligt, sigur Bárður á Reynatrøð, sum saman við Gunnari Nielsen og Mattiasi Lamhauge skal røkja málmansuppgávuna í teimum báðum venjingardystunum ímóti Kekkia og Kosovo í næstum. 

Hinir fimm, sum eru við fyri fyrstu ferð eru Hanus Sørensen og Stefan Radosavljevic úr HB, Martin Agnarsson úr Viborg, Samuel Chuckwudi úr Union St. Gilloise og Jann Benjaminsen úr Hødd.

 - Nú er tíðin komin hjá teimum, at koma at kenna okkara arbeiðshátt. Vit skulu eisini koma at kenna teir eitt sindur betur og vita, hvussu nær teir eru teimum etableraðu spælarunum í hópinum, sigur landsliðsvenjarin og leggur afturat, at soleiðis verður lættari at taka hesar spælararnar út til EM-undankappingardystir næsta ár.

Føroyski hópurin:

Gunnar Nielsen, FH
Mattias Heðinsson Lamhauge, B36
Bárður á Reynatrøð, Víkingur

Gilli Rólantsson Sørensen, Odds Ballklubb
Hanus Sørensen, HB
Viljormur Davidsen, Helsingborgs IF
Martin Agnarsson, Viborg FF
Sonni Ragnar Nattestad, B36
Heðin Hansen, HB
Gunnar Vatnhamar, Víkingur
Samuel Johansen Chukwudi, Union St. Gilloise
Jóannes Bjartalíð, KÍ
Jann Julin Benjaminsen, IL Hødd
Meinhard Egilsson Olsen, Mjøndalen IF
Mads Boe Mikkelsen, KÍ
Jákup Biskopstø Andreasen, KÍ
Noah Hans Mneney, Víkingur
Sølvi Vatnhamar, Víkingur
Andrass Johansen, B36
René Shaki Joensen, KÍ
Stefan Radosavljevic, HB
Klæmint Andrasson Olsen, NSÍ
Patrik Johannesen, Keflavík
Pætur Petersen, HB

hakan_ericson.jpg

Frítekst tagging: 

Ítróttur

Fótbóltur

A-landsliðið í fótbólti menn

Håkan Ericson