- Tíðindi, mentan og ítróttur
Fleiri á vali í Havn og í Klaksvík
Fleiri á vali í Havn og í Klaksvík
Á middegi høvdu 200 valt í Runavík og 163 á Tvøroyri, og tað er minni enn á seinasta fólkatingsvali
Høllin á Hálsi er valstað í Havn. Á middegi høvdu heldur fleiri verið á vali í Havn enn á seinasta fólkatingsvali.
Mynd: Bjarni Árting Rubeksen
31.10.2022 - 10:53
Misjavn er, hvussu nógv hava verið á fólkatingsvali fyrrapartin á teimum fimm størstu valstøðunum á middegi.
Í Havn høvdu 1674 fólk valt nú klokkan 12. Fyri trimum árum síðani høvdu 1646 sett krossin.
Í Klaksvík høvdu 369 fólk valt á middegi, samanborið við 337 í 2019.
Í Runavík høvdu 200 verið á valið á middegi. Í 2019 vóru tey 259.
Á Giljanesi vóru tølini 130 á middegi, meðan 125 høvdu valt hesa tíðina við seinasta fólkatingsval.
Á Tvøroyri høvdu bert 163 valt nú fyri einum lítlum hálvum tíma síðani, samanborið við 235 klokkan 12 seinast, boða valstýrisformenninir frá.
Er kopiera
Nýggjastu sendingar í ÚV
Nýggjastu sendingar í SV
