- Tíðindi, mentan og ítróttur
Hava nú stovnað partafelagið Suðuroyartunnilin
Hava nú stovnað partafelagið Suðuroyartunnilin
Bergur Poulsen er nevndarformaður, og Teitur Samuelsen er stjóri
Teitur Samuelsen er stjóri í P.f. Eystur- og Sandoyartunlum, og hann verður eisini stjóri í P.f. Suðuroyartunlinum.
11.11.2022 - 10:11
Almenna partafelagið, sum skal standa fyri at gera Suðuroyartunnilin, er nú stovnað.
Felagið er skrásett 10. november, sum er dagin eftir, at løgtingsvalið varð útskrivað, men stovningardagurin og viðtøkudagurin er 8. november, sum var dagin fyri valið varð útskrivað.
Partapeningurin er fýra milliónir krónur.
Leiðslan í nýggja felagnum er ikki ólík leiðsluni í felagnum, sum stendur fyri Eystur- og Sandoyartunlum.
Teitur og Bergur
Teitur Samuelsen er stjóri í nýggja felagnum, sum hevur fingið heitið P/F Suðuroyartunnilin.
Nevndarformaður er Bergur Poulsen, og næstforkvinna er Marita Súsanna Hentze.
Nevndarlimir eru Gudmund Mortensen, Mathea Hilduberg og Uni Danielsen.
Er kopiera
Nýggjastu sendingar í ÚV
Nýggjastu sendingar í SV
