Demokratarnir vunnu senatið

Demokratarnir varðveita valdið í amerikanska Senatinum eftir miðskeiðisvalið, sum var 8. november. Tað er sigurin í Nevada, sum tryggjar flokkinum hjá amerikanska forsetanum meirlutan í Senatinum. 

Tað hevur verið spenningur um valúrslitið, sum gjørdist greitt tíðliga í morgun okkara tíð.

Undan úrslitinum í Nevada høvdu demokratarnir vunnið 49 sessir og republikanararnir 49 sessir. Tí hava øll eygu verið vend móti Nevada, har demokratiski senatorurin Catherine Cortez Masto bleiv afturvald.

Valúrslitið er týðandi fyri demokratarnar, tí tað ger tað munandi lættari hjá amerikanska forsetanum at føra sín politikk, sigur Danmarks Radio.