Bretland: Boð eftir herinum

Næstu vikurnar og enntá á jólum verður bretska heilsuverkið rakt av verkføllum, tí sjúkrarøktarfrøðingarnir hava boðað frá verkfalli og tað sama hava portørarnir.

Støðan er so mikið álvarslig, at bretska stjórnin umhugsar at taka nýggj stig, so raksturin av heilsuverkinum og trygdin hjá sjúklingunum kunnu tryggjast.

Ætlanin er at fáa hjálp frá herinum, ið millum annað hevur fólk, sum eru útbúgvin til at taka sær av sjúkraflutningi, veit Sky News av siga.

Longu nú er farið undir miðvísar venjingar, so herfólk, sivil tænastufólk og sjálvboðin skulu kunna vera til reiðar at hjálpa til undir verkføllunum, ið væntast at raka serliga hart um jóltíðir.