- Tíðindi, mentan og ítróttur
Tobias Rahim súkklar runt í Føroyum á damusúkklu
Tobias Rahim súkklar runt í Føroyum á damusúkklu
Í sínum nýggja sjónbandalagi, "Taber mig i dig. Føler vi ku vinde", súkklar kendi danski tónlistamaðurin Tobias Rahim berur oman belti á einari damusúkklu runt í Føroyum
Danski tónlistamaðurin Tobias Rahim
Mynd: úr "Taber mig i dig. Føler vi ku vinde"
03.01.2023 - 15:05
Í fjør summar hugtók danski Tobias Rahim føroyingar, tá ið hann hevði bestu framførsluna á Voxbotn-tónleikatiltakinum í Havn.
Kendi danski tónlistamaðurin lá ikki sjóvarfallið av sær, meðan hann var í Føroyum. Hann tók nevniliga eisini eitt sjónbandalag upp til sangin "Taber mig i dig. Føler vi ku vinde" meðan hann vitjaði.
Í hugtakandi sjónbandalagnum súkklar Tobias Rahim nakin oman belti, tó í kovboyhatti, á einari damusúkklu runt í Føroyum.
Sangurin "Taber mig i dig. Føler vi ku vinde" er at finde á plátuni "Når sjælen kaster op", sum Rahim gav út í fjør.
Talan er um ein rættiliga ónærisligan sang, ið sjónbandalagið eisini ber brá av.
Tað er ikki fyrstu ferð, at júst hetta konseptið er roynt í Føroyum.
Í síni bók "Fractura nasi" frá 2017 súkklar Høgni Mohr eisini kring oyggjarnar á einari damusúkklu, og á sjálvari permuni er høvundurin teknaður nakin.
Er kopiera
Nýggjastu sendingar í ÚV
Nýggjastu sendingar í SV
