Framløga á tingfundinum í dag

Tingfundur verður seinnapartin í dag.

Tá kemur væntandi uppskotið hjá landsstýrinum um meirvirðisgjaldið og elbilar. 

Ætlanin er at leingja tíðarskeiðið tvey ár, har fólk fáa meirvirðisgjaldið aftur, tá tey keypa nýggjan elbil.

Afturvirkandi gildi

Hetta skal vera við afturvirkandi gildi frá 1.januar í ár, tá gamla lógin fór úr gildi.

Hybridbilar og plugin hybridbilar eru tó tiknir úr uppskotinum, men eftir 1.juli í ár verður meirvirðisgjaldið fyri teir ikki endurrindað.

Teir vóru annars við í uppskotinum hjá undanfarna landsstýri.

Tað kostaði landskassanum 32 mió. kr. at endurrinda meirvirðisgjaldið í fjør.

Yvirtaka farsóttarmálsøkið

Eitt annað uppskot hjá landsstýrinum er um at yvirtaka farsóttarmálsøkið.

Tað verður sama uppskot, sum undanfarna landsstýri kom við í løgtingið.

Tingfundir eru eisini týsdagin og hósdagin í næstu viku.