Kjak í ES um vinnustuðul

Amerikanska stjórnin fer komandi árini at stuðla vinnum, ið arbeiða við grøna orkuskiftinum, við 2.550 milliardum krónum, millum annað til framleiðslu og menning av grønari orku. 

Kinesiska stjórnin brúkar somuleiðis milliardir upp á grøna ídnaðin, og hetta hevur fingið serliga Frakland og Týskland at seta fram ynski um, at ES skal hava eitt linari regluverk, tá ið tað kemur til vinnustuðul. 

Danski vinnumálaráðharrin, Morten Bødskov, ávarar ímóti hugskotinum, tí tað sambært honum í stóran mun fer at gagna teimum ríku ES-londunum og sostatt skapa ein ójavnum millum limalondini. 

"Vit hava ongan áhuga í hesum, tí tað fer at merkja, at fortreytirnar fyri fríari kapping í ES verða ójavnar og ótryggar", segði Morten Bødskov samrøðu við DR.