Fólkaflokkurin og Sambandsflokkurin vilja Russland

Vit mugu hugsa um familjurnar í Føroyum, sum liva av Barentshavinum. Tí eigur fiskiveiðusamstarvið við Russland at halda fram.

Tað sigur formaðurin í Fólkaflokkinum, sum fær stuðul úr Sambandsflokkinum. Formaðurin í Miðflokkinum heldur, at atlit fyrst og fremst skulu takast til ukrainska fólkið. Ein strategi skal leggjast, og ein semja skal finnast, áðrenn nøkur avgerð verður tikin. Tað siga Høgni Hoydal, formaður í Tjóðveldi, og Ruth Vang, forkvinna í Framsókn, sum eru fáorðað um, hvørja støðu tey hava til Barentshavsmálið.