Kommunur kunnu sjálvar áseta gjald fyri eldratænastur

Kommunur kunnu sjálvar áseta gjald fyri eldratænastur
Gjaldið kann tó ikki vera størri, enn vistarhald og tænasta veruliga kosta
Kommunur sleppa sjálvar at áseta gjaldið fyri búpláss, umlætting og heimahjálp. (Savnsmynd: Bjarni Árting Rubeksen))
 
02.02.2023 - 08:39

Frá 1.april í ár sleppa kommurnar at áseta, hvussu nógv vistarhald og tænastur í eldrabústaði skulu kosta.

Sambært kunngerðini kann kommuna áseta størst møguligt gjald.

Men gjaldið kann ikki vera størri, enn vistarhald og tænasta veruliga kosta.

Hetta stendur í kunngerðini um heimatænastu og gjald fyri heimatænastu, eldrarøkt og annað, sum nú er broytt.

 

Skulu lýsast fyri 1. mars

Broytingin er, at kommunur sleppa sjálvar at áseta gjaldið fyri búpláss, umlætting og heimahjálp.

Sambært kunngerðini skulu gjøldini, sum skulu galda frá 1.apríl í ár, lýsast í seinasta lagi 1.mars.

Gjøldini, sum vera galdandi 1.april í ár, vera framvegis í gildi í teimum kommunum, har nýggj gjøld ikki eru lýst at galda frá 1.januar 2024, stendur eisini í kunngerðini.

Kommunurnar hava fleiri ferðir, síðan eldraøkið var lagt út til kommunurnar at umsita í 2015, gjørt vart við, at tær sjálvar áttu at havt heimildina at áseta gjøldini fyri røkt og tænastur á eldraøkinum, soleiðis at vald og gjald fylgjast.

Tað hevur landsstýrið nú gjørt.

Er kopiera
Nýggjastu sendingar í ÚV
Nýggjastu sendingar í SV
Fríggjadag 3. mai
Veðrið
174592
Hósdag 2. mai
Dagur og vika - teknmálstulkað
174537
Mikudag 1. mai
Dagur og vika - teknmálstulkað
174444