Dronur til fiskiveiðueftirlit

Fiskistovan í Íslandi, sum svarar til okkara Vørn, viðgjørdi 27 mál um útblaking í fjør.

Níggju fiskifør mistu veiðiloyvið og 18 fingu ávaring. Tvey skip mistu veiðiloyvið í eina viku og fimm í tvær vikur.

Hjá tveimum skipum var brotið so grovt, sambært myndugleikunum, at annað slapp ikki at fiska í fimm vikur og hitt í átta vikur. Grovastu málini um útblaking vera meldað til politiið.
 

Fiskistovan brúkar dronur til fiskiveiðueftirlit

Síðani dronurnar komu í 2021, eru málini um útblaking vorðin nógv fleiri.

Fiskistovan kunnger á sínari heimasíðu, hvørjir bátarnar og hvørji skipini eru, sum fáa ávaring ella missa veiðiloyvið fyri útblaking.