ES ger, at føroyskar bøkur fáa meirvirðisgjald í Danmark

Føroyskar barnabøkur sleppa ikki undan meirvirðisgjaldi í Danmark.

Tað sigur Jeppe Bruus, skattamálaráðharri, sum hevur svarað einum spurningi frá Onnu Falkenberg, fólkatingslimi, um føroyskar barnabøkur og moms.

Nýggjar ES-reglur gera, at meirvirðisgjald verður lagt á allar vørur úr londum, sum ikki eru í ES.

Og minstamarkið, 80 krónur, er strikað, so meirvirðisgjald eisini kemur á bókapakkararnar hjá Bókadeild Føroya lærarafelags, hóast virðið bara er millum 70 og 160 krónur.

Hóast reglurnar komu 1.juli í fjør, veit Jeppe Bruus ikki, hví tær nústani ávirka bøkur, sendar úr Føroyum.

Jeppe Bruus sigur, at Danmark fær ikki broytt ES-reglur.