Danmark: Eldri fáa inflatiónshjálp

Stjórnin og flokkarnir eru komin ásamt um at veita inflatiónshjálp fyri 2,4 milliardir krónur.

Meginparturin av hesi upphædd verður latin sum ein eyka eldra-kekkur upp á 5.000 krónur.

Avtalan er komin í lag, samstundis sum inflatiónin í Danmark er lækkað triðja mánaðin á rað.

– Tað í sjálvum sær eigur óivað at kennast sum ein lætti hjá mongum danskarum, sigur Jeppe Juul Borre, sjef-búskaparfrøðingurin hjá Arbejdernes Landsbank.