- Tíðindi, mentan og ítróttur
Reiley verður fagnaður í SMS í dag
20.02.2023 - 13:57
Mentan›Tónleikur
Reiley verður fagnaður í SMS í dag
Sjampanja bleiv skonkt í flogfarinum, og heiðursportur var á flogvøllinum, tá Reiley kom til landið í dag
Reiley fegnaðist um góðu móttøkuna, ið hann fekk, nú hann er komin aftur til Føroya
Mynd: Bjarni Árting Rubeksen
Tað var hátíðardámur á flogvøllinum í dag, tá Reiley, sum er fyrsti føroyingur, ið hevur sungið seg til Eurovision-finalurnar, kom til landið í dag at verða fagnaður.
Atlantic Airways skonkti sjampanju í flogfarinum, sum fekk sett seg í einum skáa í nógva vindinum um middagsleitið.
Og tá flogfarið hevði sett seg, skipaði Vága floghavn fyri, at flogfarið rullaði gjøgnum eitt heiðursportur.
Ein heiður
Reiley, sum eitur Rani Petersen, er komin til Føroya at verða fagnaður. Hetta hendir á torginum í SMS klokkan 16:30.
Reiley fer millum annað at framføra.
Men Rani Petersen er eisini komin til Føroya at taka sær av løttum og fyrireika seg til Eurovision-finalurnar, sum verða í Liverpool í mai.
Hálvfinalurnar verða týskvøldið 9. og hóskvøldið 11. mai, meðan sjálv finalan verður leygarkvøldið 13. mai.
"Tað er ein stórur heiður at sleppa at umboða Danmark, men eisini Føroyar," segði Reiley, tá hann aftur setti føtur á føroyska jørð.
Unga føroyska poppstjørnuskotið fegnaðist um góðu móttøkuna, sum hann fekk á flogvøllinum - serliga at familjan stóð fyri sær.
Myndir : Bjarni Árting Rubeksen
Er kopiera
Sí eisini
Nýggjastu sendingar í ÚV
Nýggjastu sendingar í SV
