Føroyskir úrmælingar spæla tónleik hjá ukrainanum Sergey Ilyin

Sergey er fallin væl til og hevur fingið í lag gott samstarv við føroyskar tónleikarar.

Hann skrivar jazz-tónleik, og leggur seg eftir easy listening-kompositiónum, ið vit eitt nú kenna frá Frank Sinatra og Ella Fitzgerald.

Føroysku jazz-trioina manna: Arnold Ludvig: bass, Kristian Pauli Ellefsen: klaver og Rógvi á Rógvu: trummur.

Eisini eru Vár Isaksen: sang og Justin James Villaneyva á saksofon í Studio 5.

Kvintettin spælir fýra sangir, ið Sergey Ilyin hevur skrivað.

Songkvinann, Vár Isaksen, hevur ikki sungið slíkan tónleik fyrr. Hon og Sergey starvast í sama barnagarði, og tað var soleiðis, at hon kom í samband við tónleikin hjá ukrainanum.



Væl liggur kortini fyri hjá Vár, sigur bassisturin, Arnold Ludvig. Tað snýr seg um venjing og royndir, og Vár hevur lært skjótt, ásannar bassisturin.



Hvat: Beinleiðis í Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð