Heimskent rolluspæl verður brúkt sum terapi

Fyritøkan Spælival brúkar rolluspælið Dungeons and Dragons í sambandi við spælterapi, og hetta er stór hjálp hjá fleiri við sosialum og sálarligum avbjóðingum.

Bárður Veihe

Dungeons & Dragons er eitt spæl, ið verður spælt á var uppfunnið í 1974

Hansa Hansen

20.02.2023 - 19:30

Rolluspælið Dungeons & Dragons er meira enn bara eitt spæl.

Í øllum førum um tú spyrt Barbaru Krossteig, ergoterapeut, ið rekur fyritøkuna Spælival.

Dungeons & Dragons, Spælival

Dungeons & Dragons kann nevniliga eisini betra um sálarheilsuna hjá fólki við sosialum og sálarligum avbjóðingum.

Barbara Krossteig, Dungeons & Dragons, Spælival

"Um tú hevur eina fatan av, at eg dugi einki, so kanst tú fáa nakrar upplivingar umvegis figurin hjá tær í spælinum, ið mótsiga tínari sjálvfatan," sigur Barbara Krossteig.

Hjá Spælival verður dentur lagdur á at stuðla undir sosiala og persónliga førleikamenningina hjá fólki, ið onkursvegna hava trupult við hesum, eitt nú neurodivergent fólk. Hetta eru eitt nú fólk, ið hava autismu, ADHD, sosialan angist og tunglyndi.