Nú er koyrandi aftur!

So mikið nógv gass er í Kollafjarðatunlinum, at ikki er tilráðiligt at koyra ígjøgnum hann, og Landsverk biður fólk um heldur at koyra eftir Oyggjarvegnum.

Alt bendir á, at tað inni í Kollafjarðatunlinum er ein vifta í útluftingini, sum er farin, og tí er nógv gass frá bilum og nógvur luktur inni í tunlinum.

Tí verður mælt fólki frá at koyra ígjøgnum tunnilin, men heldur at fara á Oyggjarvegin, har tað er grivið og gott at koyra.

– Tað er ordiliga grátt inni í tunlinum, vánaligt sýni og ein øgiligur gassluktur, sigur ein bilførari, sum koyrdi ígjøgnum tunnilin fyri einum góðum tíma síðani.