Eik: Stevnd eftir 150 mió. kr.

Fíggjarligt Støðufesti hevur nú latið rættinum stevning eftir endurgjaldi fyri Eik Banka

Fíggjarligt Støðufesti hevur nú stevnt stjórn, leiðslu og grannskoðara í Eik Banka eftir 150 mió. kr. í endurgjaldi.

22.10.2012 - 14:10

<p>Fíggjarligt Støðufesti hevur stevnt leiðsluni, nevndarformanninum og føroyska grannskoðaranum í gamla Eik Banka eftir 150 milliónum krónum í endurgjaldi. </p><div><br></div><div>Tað skrivar Dimmalætting í dag.</div><div><br></div><div>Harumframt eru hinir nevndarlimirnir í Eik Banka og danska grannskoðarafelagnum Deloitte "procestilvarslet." Tey eru ikki stevnd, men eru knýtt at málinum, skrivar blaðið. </div><div><br></div><div>Stevningin kemur í kjalarvørrinum av kanningini, sum danski advokaturin, Carsten Fode, gjørdi av viðurskiftunum í bankanum.</div><div><br></div><div><b>Kravið avmarkað</b></div><div><br></div><div>Tey stevndu eru Marner Jacobsen, forstjóri, Bjarni Olsen, stjóri, Frithleif Olsen, nevndarformaður til 2010, Odd Bjellvåg, næstformaður og seinni formaður, Hans Laksá, grannskoðari, og grannskoðarafelagið Nota. </div><div><br></div><div>Dimmalætting skrivar, at tað er ein fíggjarlig orsøk til, at endurgjaldskravið er avmarkað til 150 mió kr., tí sakarmálskostnaðurin er eitt prosent av endurgjaldskravinum. Tað merkir, at Fíggjarligt Støðufesti í hesum førinum skal gjalda hálva aðru millión kr. í sakarmálskostnaði. </div><div><br></div><div>Stevningin er latin rættinum, men enn er ikki ásett, nær málið kemur til viðgerðar. </div><div><br></div><div><br></div>