Franska stjórnin hóraði undan

Franska tjóðartingið feldi í gjár uppskotið um misálit á fronsku stjórnina. 

Tað skrivar tíðindastovan AFP.

Franski forsætisráðharrin, Elisabeth Borne, hóraði eisini undan í fyrra uppskotinum um misálit, eftir at hava trýst  eina pensjónsnýskipan ígjøgnum uttan atkvøðugreiðslu í tjóðartinginum, skrivar NTB.

Ætlanin er at hækka pensjónsaldurin úr 62 upp í 64 ár.

Hitt uppskotið um misálit hjá høgravíðgongda flokkinum, Rassemblement National, varð heldur ikki samtykt, tí hinir andstøðuflokkarnir tóku ikki undir við tí, skrivar Reuters.

278 atkvøddu fyri uppskotinum um misáltit, men neyðugt er við 287 atkvøðum fyri at fáa meiriluta fyri misáliti í franska tjóðartinginum.