Kinesiski forsetin farin heimaftur

Kinesiski forsetin, Xi Jinping, sum seinastu dagarnar hevur vitjað í Russlandi, er nú farin heimaftur.

Samskiftið millum forsetarnar báðar hevur sambært Vladimir Putin, forseta verið "opið og vinaligt" og "væl eydnað og uppbyggjandi". 

Putin og Jinping skrivaðu millum annað undir eina røð av skjølum um strategiskt samstarv. Hetta hevur Putin, sambært The Guardian, greitt frá á tíðindafundi.

Kann vera ein loysn

Á tíðindafundinum legði Vladimir Putin eisini dent á, at kinesiska uppskotið um friðarloysn í Ukraina kann vera ein loysn, um ella tá Ukraina er til reiðar.

Amerikanarar hava tó eina aðra hugsan um hetta, sigur John Kirby, talsmaður í Hvítu húsunum.

- Eg haldi als ikki, at Kina kann metast sum óheft á nakran hátt, sigur hann. Hann vísir á, at Kina hevur ikki funnist at russisku innrásini í Ukraina og hevur heldur ikki viljað kallað innrásina fyri kríggj.