Noreg fer at kanna kjarnorku

Norska stjórnin hevur játtað 200 milliónir krónur til eina miðstøð fyri kjarnorkugransking. 

Tað eru góðar 130 milliónir krónur í okkara peningi.

Endamálið er at styrkja kunnleikan um kjarnorku.

Ferð er seinastu tíðina komin á kjakið um kjarnorkuverk eftir orkukreppuna í Evropa.

- Vit eru kringsett av londum við kjarnorku, sum ælta at menna nýggja kjarnorku fyri at tryggja sær støðuga orkuveiting, sigur Ola Borten Moe, granskingar- og útbúgvingarráðharri, sambært NTB.

- Tí er neyðugt hjá okkum at hava fakkunnleika, sum kann meta og handfara hendingar við geislavirknari dálking, sigur Ola Borten Moe.