Leiðandi rentan í Noregi er nú trý prosent

Norski tjoðbankin hækkar nú leiðandi rentuna 0,25 prosentstig, upp í trý prosent. 

Nevndin tjóðbankanum metir, at neyðugt er við hægri rentu fyri at temja inflatiónina, sum er hækkað nógv.

Vøksturin í norska búskapinum er minkaður nakað, men nógv virksemi er framvegis. 

Arbeiðsmarknaðinum vantar manglar fólk, og lønirnar hækka.

Ida Wolden Bache, norski tjóðbankastjórin, tjóðbankastjóri í Noregi

Norðmenn kunnu vænta, at leiðandi rentan hækkar aftur í mai, sigur tjóðbankastjórin. (Mynd: Ritzau Scanpix)

Hækking aftur í mai

- Stór óvissa er um búskaparligu gongdina, men verður tað, sum vit nú halda, hækka vit leiðandi rentuna aftur í mai, sigur stjórin í norska tjóðbankanum, Ida Wolden Bache.

Hvussu gongdin við rentuni verður frameftir, veldst um búskaparligu gongdina, sigur Norges Bank.

Framrokningin fyri leiðandi rentuna er dagførd, og hon vísir, at leiðandi rentan fer upp í umleið 3,5 prosent.

Í desember hækkaði norski tjóðbankin leiðandi rentuna 0,25 prosentstig, upp í 2,75 prosent. 

Metingin var eftir tað, at leiðandi rentan helst fór at hækka meira í fyrsta ársfjórðingi í ár.