Mótmælini í Fraklandi halda fram

Mótmælisgongurnar í Fraklandi móti pensjónsnýskipanini halda fram. 

Nú hava mótmælisfólk avbyrgt vegin til ein av terminalunum í Charles de Gaulle-flogvøllinum í París.

Tað skrivar tíðindastovan, Reuters. 

Frakland og mótmæli, mótmæli í Fraklandi

Vegurin til ein av terminalunum í Charles de Gaulle-floghavnini hevur verið avbyrgdur. (Mynd: Ritzau Scanpix)

Hóast stóra mótstøðu, segði forsetin, Emmanuel Macron í gjár, at hildið verður fast um ætlanina um at hækka pensjónsaldurin úr 62 upp í 64 ár. 

Mótmælisgongurnar hava verið ógvisligar, fleiri staðni hava mótmælisfólk sett eld á, sum hevur tarnað ferðsluni á motorvegnum og tokstøðum, og tí eru fleiri skúlar stongdir í dag. 

Fyrr í vikuni var misálit lagt fram á fronsku stjórnina, men franska tjóðartingið feldi uppskotið.