SEV met í streymframleiðslu

SEV framleiddi í fjør meira streym enn nakrantíð fyrr, og var framleiðslan var 434.043 MegaWatt-tímar, vísa nýggjastu tølini frá Hagstovuni.

Vøkstur hevur verið í streymframleiðsluni øll árini síðani 2011, tá ið framleiðslan var slakar 274.000 MegaWatt-tímar.

Oljuriknu verkini stóðu í fjør fyri 47,8 prosent, vatnorka fyri 30,2 prosentum, vindorka fyri 20,8 prosentum og biogass stóð fyri 1,3 prosentum av samlaðu framleiðsluni.

Síðani kreppuárini miðskeiðis í 90-unum, tá ið streymframleiðslan fall, hevur stórt sæð verið vøkstur á hvørjum ári síðani fyri aldarskiftið.