Partarnir hava svarað Semingsstovninum

Flogskiparafelagið og Føroya arbeiðsgevarafelag hava svarað Semingsstovninum um semingsuppskotið, sum var lagt fyri feløgini í síðstu  viku.

Og nú klokkan eitt hittast partarnir á fundi hjá Semingsstovninum.

Og tá verður kunnað um, hvat partarnir hava svarað. 

Samráðingarnar millum flogskiparar og arbeiðsgevarafelagið, sum Atlantic Airways er í, slitnaðu fyri páskir, og Semingsstovnurin var boðsendur.

Semingsroyndin byrjaði fyri góðum tveimum vikum síðani.

Sáttmálin hjá flogskiparunum, sum var, kom í 2019. Hann vardi til 1.apríl í ár.

Men so leingi samráðingar eru, verður gamli sáttmálin brúktur.