Tesla skannar neyvt

- Um illgruni er um prostatakrabba, so kann man við hesum skannarnum síggja sjúkuna meiri neyvt, og harvið sleppur man undan at taka so nógvar sýnisroyndir av prostata, sigur Johan Poulsen.

Ì dag er læknin oftani noyddur at taka einar 12 sýnisroyndir, fyri at staðfesta hvar krabbin situr í prostata, men við nýggja skannarnum sær man hvar krabbin situr.

- Tá ið man sær hvar krabbin situr, tekur man bara nakrar heilt fáar sýnisroyndir, fyri at staðfesta hvat fyri slag av krabba talan er um, sigur Johan Poulsen.

Hetta bøtir munandi um vágan fyri bruna og seinfylgjum. 

jóhan poulsen

Frítekst tagging: 

Johan Poulsen

robottskurðfrøði

robottar

robottkirurgi

Einir 50 menn í Føroyum fáa staðfest krabba í prostata um árið og Johan metir, at einir 200 skulu skannast um árið, fyri at fyribirgja og uppdaga krabba í prostata so tíðliga sum gjørligt. 

Kann brúkast til annað er prostataskanningar

- Umframt eina rúgvu av ymiskum skanningum av menniskjakroppinum, so kann skannarin eisini síggja bróstkrabba hjá ungum kvinnum, sigur Johan.

Vevnaðurin í bróstinum hjá ungum kvinnum er oftani meiri fastur í tí, og tí kann tað verða torført at síggja ein krabbaknykil, men tað sæst við 3 Tesla skannarnum.

Lurta eftir samrøðuni við Johan Poulsen, serlækna í urologi um 3 Tesla skannaran.