Viðmerkjarar: "Torført, men ikki ómøguligt"

Tað ríður um snarið, um Reiley fer at megna at syngja seg í Eurovision-finaluna í annaðkvøld. Í øllum førum um tú hyggur eftir veddingafyritøkunum.

Summar meta Reiley enda á einum níggjunda og tíggjunda plássi. Aðrar meta, at Danmark endar nummar ellivu og sostatt ikki sleppur víðari. 

Tað verður torført, men tó ikki heilt ómøguligt, halda teir Morten Madsen og Carsten Helmig Nielson, ið eru Eurovision-fjepparar og reka heimasíðuna Eurosong.dk.

Tíðliga seinnapartin fóru teir inn til fyrstu royndina av fleiri fram ímóti framførsluni hjá Reiley í seinnu Eurovsion-hálvfinaluni í annaðkvøld. 

"Hugskotini hjá Reiley eru væl gjøgnumførd, men tað er nakað arbeiði eftir við røddini. Tað verður torført hjá Danmark at koma víðari, sigur Morten Madsen millum annað í samrøðu við Una Leitisstein Hansen stutt eftir fyrstu royndina. 

Hóast veddingafyritøkurnar ivast í, um Reiley megnar at syngja seg víðari til finaluna, eru donsku Eurovision-serfrøðingarnar kortini ikki heilt vónleysir. 

- Tað verður tætt, men vit trúgva upp á tað, sigur Carsten Helmig Nielson. 

Kringvarpið sendir beinleiðis frá seinnu hálvfinaluni, sum byrjar í kvøld klokkan 20. Gunnar Nolsøe og Siri Súsonnudóttir siga frá.