Flogferðsla heldur uppat - koyra við toki í staðin

Frakland hevur sett forboð fyri innanríkisflúgving á rutum, har tú kanst koyra teinin við toki upp á minni enn hálvan triðja tíma. 

Bannið er galdandi, har tok koyra ofta, og har nóg nógv tok eru til at taka ímóti flogferðafólkum, sum nú fara at koyra við toki í staðin fyri at flúgva.

Sambært AFP-tíðindastovuni, eru nýggju reglurnar galdandi fyri rutur millum París og býir sum Lyon og Bordeaux.

Ikki øll eru fegin um nýggju reglurnar. Tey vísa á, at tokið millum París og næststørsta býin, Marseille, tekur tríggjar tímar, og eigur sostatt ikki at vera fevnt av forboðnum.

Forboðið verður sett í gildi sum íkast til at minka um CO2-útlátið í Fraklandi.