Barnsburðartunglyndi undirmett

Tað er Sanne Storm, ið hevur gjørt landsfevnandi kanningina, og týdningarmestu úrslitini í henni verða alment løgd fram í Kongshøll í Havn seinnapartin mikudagin.

- Hóast tunglyndi og angist eru millum kendastu sálarligu avbjóðingarnar hjá barnakonum, eru hesi viðurskifti lítið viðurkend og minni granskaði í føroysku heilsuskipanini, sigur Sanne Storm sigur í samrøðu við Birkblog.

Hon sigur, at tað kann fáa álvasligar avleiðingar fyri bæði mammu og barn - og enntá sálarligu heilsuna hjá allari familjuni - um ikki verður gáað eftir barnsburðartunglyndi.

- Tá verða umstøðurnar at byggja fyrsta trygga knýtið millum mammuna og barnið so mikið meira avbjóðandi, sigur Sanne Storm.

Landsfevnandi kanningin, sum hon hevur gjørt í tvørfakligum samstarvi millum jarðamøðratænastuna, Gigni og Psykiatriska Depilin, fevnir um 424 føroyskar kvinnur.

Sjúkrakassagrunnurin, hvørs pengar upprunaliga komu frá vanligu sjúkrakassalimunum í landinum, stuðlar kanningini.