Samgongan missir meirilutan

Samgongan hevði mist meirilutan, um løgtingsval var nú. Tað vísir veljarakanning, sum talgilda blaðið hjá Portal.fo, Vikuskifti, kunngjørdi í gjár.

Javnaðarflokkurin og Framsókn missa hvør sín tinglim, og fáa ávíkavist átta og tveir tingsessir, meðan Tjóðveldi stendur í stað við seks tingsessum. 

Fólkaflokkurin fær báðar tingsessirnar, sum samgongan missir, og fær sambært veljarakanningini átta tinglimir. Sambandsflokkurin og Miðflokkkurin standa í stað við ávíkavist sjey og tveimum tingsessum.

Veljarakanning (løgtingsval 2022):

• Fólkaflokkurin 8 (6)
• Sambandsflokkurin 7 (7)
• Javnaðarflokkurin 9 (8)
• Tjóðveldi 6 (6)
• Framsókn 3 (2)
• Miðflokkurin 2 (2)

Kanningin er gjørd av Spyr.fo fyri Vikuskifti, mikudagin 7. juni.