Grønari og ríkari - um vit fiska makrelin í bretskum sjógvi

Norra sleppur nú at fiska umleið helmingin av síni makrelkvotu í bretskum sjógvi. Føroyar hava enn ikki megnað at fáa nakra avtalu í lag við Bretland. Sambært granskingargrunninum Sjókovanum, hevði tað verið sera gagnligt um vit fiskaðu ein part av okkara makrelkvotu í bretskum sjógvi. 

Metingin hjá Hans Ellefsen, búskaparfrøðingi er tann sama. Ein avtala um makrelfiskiskap við Bretland hevði gjørt okkum ríkari.

Altjóða havrannsóknarstovnurin ICES mælir til at strandalondini ikki fiska meira enn 782.000 av makreli í ár. 

Londini eru samd um talið, men ikki, hvussu nógv tey skulu fáa í part. Tí hava tey ásett sínar egnu kvotur. Eittnú hava Føroyar ásett sær 19,6% av heildarkvotuni.

Men tað merkir so, at londini tilsamans fiska 139% av tí, sum ICES mælir til. Tað er næstan 1,1 millión tons av makreli í ár, 300.000 tons meira enn ICES vera burðardygt.