U21-HM: Føroyar kunnu spæla seg víðari

Føroyska U21-landsliðið við monnum kann í dag spæla seg víðari í HM-kappingini í Týsklandi.

Um Føroyar vinna á Japan fyrrapartin, samstundis sum Spania vinnur á Angola, hava Elias á Skipagøtu, Hákun West av Teigum og hinir tryggjað sær víðari luttøku í kappingini.

Føroyingarnir fingu eina góða byrjar týsdagin, tá ið teir vunnu sannførandi á Angola og fingu spart fleiri av lyklaspælarunum. Japan tapti hinvegin 43-28 fyri Spania í sínum fyrsta dysti.

Dysturin ímóti Japan byrjar klokkan 10:00, og Kringvarpið sendir beinleiðis í sjónvarpinum frá klokkan 9:50.