- Tíðindi, mentan og ítróttur
Nevndin ger ikki meira við løgmann og Høgna
Nevndin ger ikki meira við løgmann og Høgna
Landsstýrismálanevndin hevur gjørt niðurstøðu eftir fundin fyrrapartin
Aksel V. Johannesen, løgmaður, og Høgni Hoydal, landsstýrismaður. (Savnsmynd: Bjarni Árting Rubeksen)
26.06.2023 - 14:11
Landsstýrismálanevndin ger ikki meira við málið um útsagnirnar hjá Høgna Hoydal, landsstýrsmanni í uttanríkis- og vinnumálum, og Aksel V. Johannesen, løgmann, í samband við russlandssáttmálan.
Tað er greitt eftir fundin, sum landsstýrismálanevndin hevði fyrrapartin.
Nevndin kannaði, um Høgni Hoydal segði ósatt í tinginum, tá hann segði, at limirnir í uttanlandsnevndini kunnu upplýsa sínum floksfeløgum um tað, sum hendir í uttanlandsnevndini.
Og um Aksel V. Johannesen brúkti skeiv tøl um landing og umskiping hjá russiskum skipum í føroyskum havnum.
Bárður á Steig Nielsen er limur í landsstýrismálanevndini. (Mynd: Bjarni Árting Rubeksen)
Bárður á Steig Nielsen, nevndarlimur, vildi hava landsstýrismálanevndina at kanna málið.
Hann er ikki nøgdur við niðurstøðuna hjá nevndini:
26062023_Bardur_og_landsstyrismalanevnd
Hans Jacob Thomsen er formaður í landsstýrismálanevndini.
Hans Jacob Thomsen, formaður í landsstýrismálanevndini, sigur soleiðis um grundgevingina fyri niðurstøðuni hjá nevndini:
26062023_Hans_Jacob_og_landsstyrismalanevnd
Er kopiera
Nýggjastu sendingar í ÚV
Nýggjastu sendingar í SV
