Føroyskt heilsuprógv kann ikki brúkast á norskum skipum

Sjófólk kunnu ikki brúka føroyskt heilsuprógv, fara tey við norskum skipum.

Har noyðast tey at hava norskt heilsuprógv.

Fimm læknar í Føroyum hava fingið góðkenning frá norska Sjóvinnustýrinum at gera læknakanningar og geva út norsk heilsuprógv. 

Ætlanin er at kanna, um til ber at gera avtalu við Noreg um at viðurkenna føroysk heilsuprógv.

Tað sigur Ingilín D. Strøm, landsstýriskvinna.

Jóhannis Joensen, løgtingsmaður, spurdi hana um bláu bók og heilsuprógv hjá sjófólki.

Norskt heilsuprógv kann heldur ikki brúkast umborð á føroyskum skipum.

Síðani 1.juli 2020 hevur føroyska heilsuprógvið umframt onnur útlendsk heilsuprógv verið góðkend at nýta umborð á donskum skipum, sigur Ingilín D. Strøm.

Eingin altjóða lóggáva ásetir reglur um læknakanning og heilsuprógv.