Kríggið hevur eitrandi ávirkan á Putin sum stjórnarleiðara

Tað, at russarar í alsamt størri mun eru misnøgdir við kríggið í Ukraina, gevur nú CIA nýggjar møguleikar at heinta upplýsingar um Russland, segði William J. Burns, stjóri í CIA, tá hann helt árligu røðu sína fyri Ditchley stovninum í Bretlandi.

Hetta segði hann eina viku eftir, at leiðarin í Wagner bólkinum, Yevgeny Prigozhin, royndi at birta undir eina kollvelting í Russlandi, sum tó miseydnaðist.

Burns segði, at øll vóru á gosi aftaná hendingarnar síðsta leygardag, tá Prigozhin og bólkur hansara bjóðaðu forsetanum av.