Sverri í finaluni í triðju World Cup-stevnuni

Sverri Sandberg Nielsen skal rógva einskullarafinalu í triðju World Cup-stevnuni, sum er í Lucerne.

Hann vann sær finaluplássið tíðliga seinnapartin, tá hann í stórum stíli endaði fremst í hálvfinaluni. 

Miðvingurin legði seg á odda beinanvegin og var fremst á 500, 1000, 1500 og 2000 metrum og vann á m.a. grikska gullvinnaranum frá Olympisku leikunum í Tokyo í 2021. 

Sverri Sandberg Nielsen róði teinin upp á 06:53.28, meðan sterki týski kappingarneytin, Oliver Zeidler, vann hina hálvfinaluna við tíðini 06:52.43. Tískil er okkurt, sum bendir á, at finalan í morgin verður spennandi.

Finalan verður í morgin klokkan 10.46.