Knýtir turkiskan ES-limaskap og svenskan Nato-limaskap saman

Svenski limaskapurin í hernaðarsamgonguni NATO skal setast í samband við turkiska limaskapin í ES.

Tað sigur turkiski forsetin, Recep Tayyip Erdogan, í dag.

Sambært AFP heldur Erdogan ikki, at Turkaland kann taka svenskan limaskap í NATO fram um turkiska limaskapin í ES.

- Fyrst skal leiðin hjá Turkalandi inn í ES avgreiðast, síðani kunnu vit fara í holt við svenskan limaskap í NATO, segði Erdogan í dag á tíðindafundi, sum var hildin á Atatürk-flogvøllinum í Isanbul, áðrenn hann fór til Vilnius í Litava, har Nato hevur toppfund í morgin og mikudagin

31 lond vera við á toppfundinum í Vilnius.