Viðgera bæði svenskan Nato-limaskap og turkiskan limaskap í ES

Tá turkiski forsetin, Redep Tayyip Erdogan, í dag fer at hitta svenska forsætisráðharran, Ulf Kristersson, og Nato-aðalskrivaran, Jens Stoltenberg, á máli um svenskan limaskap í Nato, fara teir væntandi eisini at viðgera spurningin um turkiskan limaskap í ES.

Jens Stoltenberg sigur, at hann tekur undir við ætlanini hjá Turkalandi um at fáa limaskap í ES.

Fyrr í dag segði Erdogan, at ES eigur at lata upp fyri møguleikanum, at Turkland fær limaskap, áðrenn turkiska tingið fer at góðkenna svensku umbønina um limaskap í Nato.

Erdogan, Recep Tayyip Erdogan - Mynd: Ritzau Scanpix

Turkiski forsetin, Erdogan, hevur higartil verið ímóti, at Svøríki fær limaskap í Nato. Nú knýtir hann turkiskan ES-limaskap upp í málið. (Mynd: Ritzau Scanpix)

Turkaland er ímóti

Reglurnar siga, at øll limalond skulu vera samd, um at Svøríki kann fáa limaskap. Higartil hevur Turkaland verið ímóti.

Jens Stolenberg leggur eisini dent á, at svenskur limaskapur í Nato er bundin av avtaluni, sum var gjørd i Madrid í fjør, og ikki av einum møguligum turkiskum limaskapi í ES.

Og Svøríki hevur eftirlíkað krøvunum, sum turkar settu sum treyt fyri, at Svøríki kann gerast limur, sigur hann.

Spurningurin um svenskan Nato-limaskap stendur ovast á breddanum, tá Nato hevur toppfund í Vilnius í Litava í morgin.