Putin hitti leiðaran í Wagner-bólkinum

Fáar dagar eftir miseydnaðu uppreistrarroyndina, hitti Vladimir Putin, forseti, leiðaran í Wagner-bólkinum, Jevgenij Prigozjin.

Tað upplýsir talsmaðurin hjá Putin, Dmitrij Peskov, sambært russisku tíðindastovuni, Ria.

Putin hevði boðið 35 fólkum, teirra millum Prigozjin. Fundurin var í Kreml 29. juni, og hann vardi í næstan tríggjar tímar, segði Peskov fyrr í dag.

Jevgenij Progosjin, Prigozjin

Leiðarin fyri Wagner-bólkinum, Jevgenij Progozjin. (Mynd: Ritzau Scanpix)

Á fundinum kom russiski forsetin við sínum metingum av hendingunm 24. juni, tá uppreisturin var, og hann lurtaði eisini eftir sjónarmiðunum hjá hinum, segði talsmaðurin.

- Teir løgdu dent á, at teir styðja ríkisovastan og leiðaran fyri vápnaðu deildunum. Teir søgdu eisini, at teir eru til reiðar at berjast fyri sínum heimlandi, segði Peskov.

Uppreisturin hjá Wagner-bólkinum var 23 og 24. juni.