Hollendski forsætisráðharrin gevst í politikki

Hollendski forsætisráðharrin, Mark Rutte, gevst í politikki.

Hann hevur boðað frá, at hann stillar ikki uppaftur.

Ósemja hevur verið í hollendsku stjórnini um flóttafólkapolitikk, og endin var, at samgongan slitnaði fríggjadagin.

Stjórnin verður sitandi sum starvsstjórn, og val verður væntandi í heyst.

- Eg haldi, at hetta er rætta løtan at lata stafettina víðari, sigur Mark Rutte sambært hollendska miðlinum, De Telegraaf.

56 ára gamli Rutte hevur verið stjórnarleiðari i Hollandi í 12 ár. Hann hevur verið formaður í liberala-konservativa flokkinum, VD, í 17 ár.

Talið á teimum, sum hava biðið um politiskt friðskjól í Hollandi, er seinastu fimm árini vaksið ein triðing, upp í 46.000 fólk.