Nord Stream: Slóðir av spreingievni funnar umborð á seglbáti

Týskir myndugleikar hava funnið slóðir av spreingievni umborð á einum seglbáti, sum er undir illgruna fyri at hava samband við spreingingarnar av gassleiðingunum í Eystursjónum í septembur í fjør.

Eitt skriv, Reuters-tíðindastovan hevur fingið hendur á, vísir, at seglbáturin er undir illgruna fyri at hava flutt spreingievni, sum var  brúkt, tá ið hol varð sprongt á bæði Nord Stream 1 og Nord Stream 2.

Seglbáturin var leigaður, men týsku myndugleikarnir eru komnir eftir, at hetta var gjørt, so tað ikki skuldi síggjast, hvør tað var, sum í veruleikanum brúkti bátin.

Framvegis verður kannað, hvussu seglbáturin hevur ferðast í umráðnum í fjørheyst, tá ið spreingingarnar vóru.