Vinnuhúsið mótmælir stuttari hoyringarfreist

Enn einaferð hevur Vinnuhúsið gjørt vart við ov stutta hoyringarfreist, tá tað fær uppskot um lógir og kunngerðir til hoyringar.

Nú er talan um donsku kunngerðina, ið skal vera galdandi fyri Føroyar, um tiltøk ímóti Russlandi og Hvítarusslandi á teimum økjum, ið danska vinnumálaráðið varðar av.

Vinnuhúsið svarar stutt og greitt, at tað ber ikki til hjá Vinnuhúsinum at gera hoyringarsvar um eitt so umfatandi uppskot við nøkrum fáum døgum sum freist.